ՀՀ ԱԺ-ն այսօր ձայների 77 կողմ, 3 դեմ հարաբերակցությամբ առաջին ընթերցմամբ ընդունեց «Սևանա լճի էկոհամակարգի վերանորոգման, պահպանման, վերարտադրման և օգտագործման միջոցառումների տարեկան ու համալիր ծրագրերը հաստատելու մասին» ՀՀ օրենքում լրացումներ կատարելու մասին նախագիծը: Հիշեցնենք, որ համաձայն նախագծի առաջարկվում է եւս լրացուցիչ 100 միլիոն խմ ջուր բաց թողնել Սեւանից:
ԱԺ ընդդիմադիր պատգամավորները քննդատեցին նախագիծը, իսկ որոշ բնապահպաններ էլ բողոքի ակցիա էիր իրականացրել ԱԺ շենքի դիմաց:
Մինչ քվեարկությունը ԵԼՔ դաշինք խմբակցության պատգամավոր Արտակ Զեյնալյանը հայտարարեց, որ հարցը կարելի էր այլ կերպ լուծել, հետեւաբար իրենք դեմ են քվեարկելու: Նա նաեւ ասաց, որ պատրաստվում են դիմել Սահմանադրական դատարան, քանի որ օրենքի նախագիծն ըստ իրենց հակասահմանադրական է:
Իսկ վերջում ԱԺ նախագահ Արա Բաբլոյանըւ հայտարարեց, որ հուլիսի 6-ին կհրավիրի ԱԺ արտահերթ նիստ:
