Փաստաբան Սիմոն Ծատուրյանը, ով այսօր մահացել էր Մոսկվայի Տիմիրյազևյան շրջանի դատարանում, ավելի վաղ մասնակցություն է ունեցել աղմկահարույց քրեական գործում. գրում է Вечерняя Москва թերթը:
Մասնավորապես, նա ներկայացրել է ուսանող Վիգեն Աբրահամյանցի ընտանիքի շահերը, ում սպանել էին 2006-ին Մոսկվայի մետրոյի «Պուշկինսկայա» կայարանի մոտակայքում: Հայտնի է, որ տղայի վրա հարձակվել էին դանակներով զինված մի խումբ երիտասարդներ: Ստացած վնասվածքներից տղան տեղում մահացել էր:
Փաստաբանը նաև զբաղվել է 19-ամյա Արթուր Սարդարյանի սպանության գործով, ում դանակահարել էին 2006-ի մայիսին:
Աղբյուրը նշում է, որ Սիմոն Ծատուրյանը դեկտեմբերի 6-ին դատական նիստի ժամանակ մահացել է սրտի կաթվածից:
