Վարչապետի պաշտոնակատար, «Իմ քայլը» դաշինքի առաջնորդ Նիկոլ Փաշինյանն այսօր անդրադարձել է ՀՀԿ նախընտրական ցուցակի 3-րդ համար Դավիթ Շահնազարյանին ԱԱԾ հրավիրելու փաստին:
Նիկոլ Փաշինյանի խոսքով՝ Դավիթ Շահնազարյանն ԱԱԾ-ին պետք է ներկայացնի այն դավադրությունը, որ, իր պնդմամբ, գոյություն ունի Հայաստանի Հանրապետությունում՝ ընդդեմ Արցախի: «Նա մեղադրել է մեզ ինչ-ինչ ուժերի հետ դավադրություն կազմակերպելու համար ընդդեմ Արցախի: Հիմա ԱԱԾ-ն նյութեր պիտի պատրաստի, ու եթե պարզվի՝ էդպես է եղել, դավադիրներին պետք է ենթարկի պատասխանատվության: Եվ եթե որևէ մեկը բարձրաձայնում է պետական դավաճանության մասին և չի գնում իրավապահներին հաղորդում տալու հանցագործության մասին, ուրեմն նա շառլատան է»:
Նիկոլ Փաշինյանն ասաց՝ լուրջ վարկածներ ունի, որ այդ մարդիկ օտարերկրյա գործակալներ են:
