Բրազիլիայի ազգային հավաքականի նախկին դարպասապահ Ժուլիո Սեսարը հաջողություն է մաղթել իր հայրենակցին` ֆրանսիական ՊՍԺ-ի հարձակվող Նեյմարին «Ոսկե գնդակի» պայքարում:
38-ամյա Սեսարը կարծում է, որ աշխարհի լավագույն ֆուտբոլիստը ներկա պահին Նեյմարն է` միաժամանակ խոսելով կատալոնական «Բարսելոնայի» հարձակվող Լիոնել Մեսսիի մասին:
«Ինձ համար ներկա պահին աշխարհի լավագույն ֆուտբոլիստը Նեյմարն է: Մեսսի՞ն. Մեսսին այլ մոլորակից է: Ամեն դեպքում, հիմա Նեյմարի ժամանակն է»,- Սեսարի խոսքն է մեջբերում «ESPN»-ը:
