Forbes ամսագիրը հրապարակել է 2014 թվականի աշխարհի ամենաբարձր վարձատրվող երգչուհիների ցուցակը։ Նախորդ տարի այդ ցուցակը գլխավորում էր Մադոննան, սակայն հիմա առաջնությունն անցել է Բեյոնսեին։
Ըստ ամսագրի տվյալների՝ երգչուհին վաստակել է 115 մլն դոլար։ «Բեյոնսե թագուհու կարիերայի լավագույն տարին է շնորհիվ լայնածավալ շրջագայության։ Սուպերաստղը ընթացիկ շրջանում մասնակցել է 95 համերգի՝ յուրաքանչյուրի ժամանակ վաստակելով 2.4 մլն դոլար», — ասվում է ամսագրում։
Երկրորդ տեղում Թեյլոր Սվիֆթն է՝ 64 մլն դոլարով։
Լավագույն տասնյակում են Փինքը, Ռիհաննան, Քեթի Փերին, Ջենիֆեր Լոպեսը, Մայլի Սայրուսը, Սելին Դիոնը, Լեդի Գագան, Բրիթնի Սփիրսը։
