Հոլիվուդյան ամենագրավիչ դերասաններից մեկը՝ Լեոնարդո դի Կապրիոն դասվում է այն դերասանների շարքին, ովքեր մեկ անգամ չէ, որ հավակնել են Օսկարի, մինչդեռ մինչ այսօր չունեն Օսկար:
Առաջին անգամ դի Կապրոն Օսկարի հավակնորդ էր 1994 թվականին, երբ լավագույն դերասանի անվանակարգում նոմինացվել էր «Ինչն է անհանգստացնում Գիլբերտ Գրեյպին» ֆիլմում կատարած դերի համար: Դերասանի երկրպագուներին առավել զայրացրեց, երբ դի Կապրիոն Օսկարի չարժանացավ 2004 թվականին նկարահանված «Ավիատոր» և 2013 –ին նկարահանված՝ «Ուոլ Սթրիթի գայլը» ֆիլմերում կատարած գլխավոր դերի համար:
Ջոնի Դեպպը ևս իր կարիերայի ընթացքում չի արժանացել Օսկարի: Առաջին անգամ Դեպպը նոմինացվել է 2004 թվականին «Կարիբյան ծովի ծովահաններ. սև մարգարիտի անեծքը» ֆիլմի համար: Երկրորդ անգամ Դեպպը նոմինացվել է «Հեքիաթային աշխարհ», ապա 2008-ին «Սուինի Թոդ, Ֆիլ Սթրիթի սատանա վարսահարդարը» ֆիլմում կատարած գլխավոր դերերի համար:
Մինչ այժմ Օսկարի չի արժանացել նաև Ուիլ Սմիթը: 2002 թվականին նոմիանցվել է «Լավագույն դերասանի» անվանակարգում «Ալի» ֆիլմի համար, 2007-ին՝ «Վազելով երջանկության ետևից»:
Բրիտանացի դերասան, ռեժիսոր Ռեյֆ Ֆայնսը, ով նաև ՅՈՒՆԻՍԵՖ-ի բարի կամքի դեսպան է ևս չունի Օսկար: Ֆայնսը երկու անգամ նոմինացվել է և երկու անգամ էլ պարտություն կրել: Առաջին անգամ նոմինացվել է 1993-ին՝ «Շինդլերի ցուցակը» ֆիլմում կատարած գլխավոր դերի համար:
Հոլիվուդյան հերթական խարդախության զոհը Ռոբերտ Դաոնի կրտսերն է: Առաջին անգամ Դաունին նոմինացվել է 1993-ին «Լավագույն դերասանի» անվանակարգում «Չապլին» ֆիլմի համար, մինչդեռ Օսկարը բաժին է հասել Ալ Պաչինոյին «Կնոջ բույրը» ֆիլմի համար:
Թոմ Կրուզը ևս ոչ մի անգամ չի արժանացել Օսկարի: Կրուզը նոմինացվել է «Լավագույն խաղ» անվանակարգում 1990 թվականին «Հուլիսի 4-ին ծնվածը» ֆիլմում կատարծ դերի համար: 1997-ին առաջադրվել է նույն անվանակարգում «Ջերրի Մագուայեր», 2000-ին՝«Մագնոլիա» ֆիլմում կատարած դերի համար:
