WikiLeaks-ի հիմնադիր Ջուլիան Ասանժը Twitter-ի իր էջում խաղաղության կարգախոսով հանդես եկող ԱՄՆ-ի նախկին պետքարտուղար Հիլարի Քլինթոնին անվանել է «Լիբիայի մսագործ»:
«Երկու սուտ մեկ լուսանկարում. «Նա խաղաղություն է բերում» մակագրությամբ պաստառի դիմաց նստած լիբիացի մսագործ Հիլարի Քլինթոնը մեղադրում է ռուսական WikiLeaks-ին»,- գրել է Ասանժը՝ կցելով Քլինթոնի լուսանկարը:
Նախօրեին CNN հեռուստաալիքին տված հարցազրույցում Քլինթոնը նախագահական ընտրություններում իր պարտության համար մեղադրել էր ռուսական WikiLeaks-ին և Հետաքննությունների դաշնային բյուրոյին:
