Սկիզբը` նախորդ թողարկումներում
Առողջության վեցերորդ ոսկե կանոնը` վարժություններ ողնաշարի և որովայնի համար
Այս մեթոդիկայի հաջողության գլխավոր բաղադրիչներից մեկը իր ուժերի նկատմամբ հավատն է: Ինչպես ասում են, մենք այն ենք, ինչի մասին մտածում ենք: Եթե ձեզ դրական տրամադրեք և սրբորեն հավատաք արդյունքին, ապա այն չի ստիպի երկար սպասել:
Մեջքի և որովայնի համար վարժությունները նախատեսված են մեր մարմնի հենց այն հատվածների համար, որոնցում կենտրոնացված են հիմնական կենսական էներգիաները և կարևոր օրգանները: Այն կարևոր է օրգանիզմում թթվահիմնային բալանսը վերականգնելու համար, նպաստում է մտավոր էներգիայի բարերար ազդեցությանը: Այս վարժությունը, հինգերորդ վարժության նման, բաժանվում է նախապատրաստական և հիմնական մասերի:
Նախապատրաստական մասի ելադիրքը. նստեք հատակին ծնկներին, իսկ կոնքը իջեցրեք ոտնաթաթերին: Ցանկության դեպքում և ավելի մեծ հարմարության համար կարելի է նստել «թուրքական» ձևով` ծալապատիկ: Չմոռանաք մեջքն ուղիղ պահելու մասին, ձեռքերը գտնվում են ծնկների վրա: Վարժության բոլոր տարրերը կատարում են 10 անգամ յուրաքանչյուր կողմում:
Կատարման տեխնիկան
- Նման նախամարզանք` բարձրացրեք և իջեցրեք ուսերը:
Առաջին տարրից հետո կատարեք միջանկյալ գործողություններ: Ի դեպ, դրանք պետք է կատարել նախապատրաստական մասի ստորև նկարագրված յուրաքանչյուր տարրից հետո. ձեռքերն առաջ պարզեք, ապա կտրուկ հետ նայեք` ասես ցանկանալով տեսնել ձեր պոչուկը: Ապա դանդաղ հայացքը շրջեք պոչուկից մինչև պարանոց: Իհարկե, ձեզ չի հաջողվի տեսնել մեջքը, ուստի դա մտովի կատարեք: Գլուխը վերադարձեք ելադիրք և կատարեք նույն գործողությունը, բայց արդեն աջ կողմից: Կատարեք նույն գորոծողությունները, միայն թե հիմա ձեռքերը վեր են պարզած: - Գլուխը թեքեք դեպի աջ և ձախ (չմոռանաք միջանկյալ վարժությունը կատարելու մասին):
- Գլուխը թեքեք առաջ և հետ (նորից միջանկյալ վարժությունը):
- Միավորեք 3-րդ և 4-րդ կետերը. գլուխը թեքեք դեպի աջ-հետ, ապա` դեպի ձախ-հետ (միջանկյալ վարժություն):
- Չմոռանաք, որ նախապատրաստական շրջանի վարժությունները կատարելու եք յուրաքանչյուր կողմի համար 10-ական անգամ: Գլուխը դանդաղ թեքեք դեպի ուսը, ապա դանդաղ սահեցրեք այն` ծոծրակով դիպչելով մեջքին (միջանկյալ վարժություն):
- Ձեռքերը ծնկներից բարձրացրեք, արմնկային հոդերում այն ծալեք` ուղիղ անկյուն դարձնելով և ափերն ամուր սեղմելով: Գլուխը հետ գցեք, նայել առաստաղին և արմունկները կողմ տարեք` ասես փորձելով դրանք մեջքի հետևում միացնել: Այս նույն ժամանակ կզակը ձգվում է դեպի վեր (վերջին անգամ կատարեք միջանկյալ վարժությունը):
Հիմնական մասի ելադիրքը նույնն է, ինչ և նախապատրաստական մասինը:
Կատարման տեխնիկան. որոշ ժամանակ թուլացեք: Ապա նորից որովայնը ձգեք, մեջքն ուղղեք և դեպի ձախ-աջ ճոճանակաձև ճոճվեք` որովայնով առաջ-հետ շարժումներ կատարելով: Այս շարժումները կատարեք 10 րոպեի ընթացքում: Սա սկզբում դժվար կթվա, սակայն շատ արագ դուք կվարժվեք:
Նիշիի առողջության բոլոր վեց կանոնները բավական արդյունավետ են և կատարելու առումով շատ պարզ: Պետք է միայն հաղթահարել ծուլությունը և սկսեք զբաղվել:
