Ձեզ անպայման կօգնի ընկույզով այս վարժությունը, որն արևելյան բժշկության մեթոդներից է և հիանալի է բոլոր նրանց համար, ովքեր ժամանակ առ ժամանակ նյարդային լարվածություն են ունենում:
Որքան բարդ է դառնում մեր հասարակության մեխանիզմը, այնքան մարդիկ ավելի շատ են սթրես ունենում, առօրյա կյանքը ժամանակակից մարդկանց երես չի տալիս… Այս մեթոդի օգնությամբ ընդամենը մի քանի րոպեում հնարավոր է հանել սթրեսը և հանգստացնել նյարդերը, ընդամենը պետք են 2 ընկույզ և վճռական տրամադրվածություն:
Մեթոդն ազդում է վայրկենաբար, ընկույզով մերսում ենք ձեռքի ափերը: Կճեպին այնքան հաճելի է հպվել: Այն բնական նյութը չի համեմատվի ձեռքի կետերի մերսման ոչ մի այլ սարքի հետ:
Ինչպես հանել սթրեսը
Մեր ափերում գտնվում են ակտիվ կետեր, որոնք պատասխանում են ներքին օրգանների աշխատանքի համար: Նրանց վրա սեղմելով` հնարավոր է ազատվել տարբեր հիվանդություններից:
Ընկույզով վարժությունների արդյունավետությունը արևելյան բժշկությունը բացատրում է նրանով, որ հոգեկան գործունեությունը կառավարում է ոչ թե գլուխը, այլ ներքին օրգանները. էներգիան թաքնված է թոքերում, խելքը` սրտում, ոգին` լյարդում, կամքը` փայծաղում, իսկ նպատակին հասնելու ձգտումը` երիկամներում: Մատների և նյարդերի միջև գոյություն ունի սերտ կապ, ուստի արագ հանգստանալու համար պետք է կատարել հետևյալ վարժությունները:
* Յուրաքանչյուր ափի մեջ պահեք 2 ընկույզ և դրանցով շրջանաձև շարժումներ կատարեք:
* Ընկույզը դրեք դաստակի ներքին մակերևույթին գտնվող ակտիվ կետի վրա` ջլերի միջև փոսի մեջ, թեթևակի սեղմեք մյուս ձեռքի ափով և ընկույզով շրջանաձև շարժումներ կատարեք:
* Թեթևակի մերսեք ճկույթների ծայրերը մյուս ձեռքի մատներով:
Սթրեսն ու լարվածությունն առաջանում են, երբ մարդը չի լսում իր ներքին ձայնը, ուշադրություն չի դարձնում իր իսկական զգացմունքներին: Հիշեք, որ ներդաշնակության և հավասարակշռության աղբյուրը արդեն իսկ ձեր մեջ է:
Մեզնից յուրաքանչյուրը միայնակ սամուրայ է, որի հոգում մի տեղ կա, որտեղ հնարավոր է հանգստանալ և ներդաշնակություն գտնել: Պարտադիր չէ ինչ-որ տեղ գնալ` կտրվելով կյանքի դժվարություններից և անձնատուր լինելով զվարճանքներին:
Ընկույզով մատների վարժությունները միշտ օգնում են արտակարգ իրավիճակներում, երբ պետք է արագ հանգստանալ: Լավ գաղափար է` մի քանի ընկույզ պահել պայուսակի մեջ:
