Երեկ՝ հոկտեմբերի 27-ին, Փարիզում՝ Ֆրանսիայի նախագահ Ֆրանսուա Օլանդի նախաձեռնությամբ, կայացել է ՀՀ Նախագահ Սերժ Սարգսյանի և Ադրբեջանի նախագահ Իլհամ Ալիևի մասնակցությամբ, Լեռնայի Ղարաբաղի հիմնահարցի կարգավորմանն ուղղված հանդիպումներ:
Ֆրանսիայի նախագահ Ֆրանսուա Օլանդը երկու նախագահներին կոչ է արել ակտիվացնել ջանքերն Արցախի հակամարտության կարգավորման ուղղությամբ՝ հիմնվելով միջազգային իրավունքի և ԵԱՀԿ Մինսկի Խմբի կողմից առաջարկված հիմնարար սկզբունքների հիման վրա:
Հետաքրքիր է, որ Ֆրանսիայի Նախագահի ելույթն այս անգամ դիտվում է որպես ավելի պռոադրբեջանական, քանի որ նա քանիցս օգտագործել է ներկայիս ստատուս քվոյի ոչ հուսալի լինելու մասին իր պնդումները: Ֆրանսիայի նախագահը կոչ է արել Հայաստանի և Ադրբեջանի նախագահներին` քաղաքական կամք դրսևորել, մի կողմ թողնել տարաձայնությունները և երկու ժողովուրդներին նախապատրաստել խաղաղության համապարփակ համաձայնագրի կնքմանը: Նշվում է նաև, որ հանդիպման ժամանակ Հայաստանի եւ Ադրբեջանի նախագահները պայմանավորվել են հակամարտության ժամանակ անհայտ կորածների վերաբերյալ տեղեկություններ փոխանակել` Կարմիր խաչի հովանու ներքո:
Իսկ թե ինչ է իրենից ներկայացնում խաղաղության համապարփակ համաձայնագիրը, որի հիմքում Մինսկի Խմբի առաջարկներն են, պարզ է:
Հիշենք հայտնի Մադրիդյան սկզբունքները, որոնցով.
• Լեռնային Ղարաբաղի շրջապատող տարածքների վերադարձ Ադրբեջանի վերահսկողությանը;
• Լեռնային Ղարաբաղի միջանկյալ կարգավիճակ, նրա անվտանգության եւ ինքնակառավարման երաշխիքների տրամադրումով
• Հայաստանը Լեռնային Ղարաբաղին կապող միջանցք;
• Լեռնային Ղարաբաղի վերջնական իրավական կարգավիճակի հետագա սահմանում իրավականորեն պարտադիր կամարտահայտության միջոցով;
• ներքին տեղահանված անձանց եւ փախստականների` իրենց նախկին բնակության վայրերը վերադառնալու իրավունք;
• անվտանգության միջազգային երաշխիքներ, որոնք կներառեն խաղաղապահ գործողություն:
