Պոլսո Հայոց պատրիարքի առաջնորդական փոխանորդ Արամ արքեպիսկոպոս Աթեշյանը այսօր լրագրողների հետ զրույցում անդրադարձավ նաև Կարո Փայլանի ակտիվությանը: Աթեշյանի խոսքով՝ Փայլանի ելույթներից անհանգիստ է համայնքը: «Թուրքիո պառլամենտում պոռալու պատճառով կորցնում ենք մեր իրավունքները: Փայլանն այնպես պիտի խոսի, որ չվնասի հայկական համայնքին: Եթե համայնքն անհանգիստ է, ուրեմն մի բան կա»,- ասաց արքեպիսկոպոսը:
Արամ Աթեշյանի անվան հետ աղմկահարույց պատմություններ կան, որոնցից մեկը վերլուծաբան Սարգիս Հացպանյանի հայտարարությունն է: Վերջինս նախորդ տարի ասել էր, որ Արամ Աթեշյանը փորձել է գնել հայ ծովանկարիչ Հովհաննես Այվազովսկու կտավը: Սակայն կտավի տերը չի համաձայնել այն վաճառել, որից հետո Արամ Աթեշյանն ասել է՝ կտավը գողացված է: Araratnews.am-ը արքեպիսկոպոսից հետաքրքրվեց՝ այդ մեղադրանքների մասի՞ն ինչ կասի: «Թուրքիայում սանիկ ունեմ, որ հնություններով կզբաղի եւ ինձ մի նկար էր ուղարկել, որտեղ եկեղեցական էր պատկերված: Ես տվեցի պատրիարքարանի աշխատակից Վաղարշակին, որն էլ ասաց՝ սա պատրիարքարանից է գողացվել»:
Մանրամասները՝ տեսանյութում:
Սոնա Դավթյան
