Apple ընկերությունն օգոստոսին կներկայացնի իր նոր սմարթֆոն-ֆլագմանը՝ 4,7 դյույմանոց iPhone 6-ը։ Հայտնում է CNN-ը։
Այս մասին թայվանական Economic Daily News թերթին հայտնել է ընկերության աշխատակիցներից մեկը։ Նրա խոսքերով՝ iPhone 6-ը վաճառքի է հանվելու ամռան վերջին, իսկ 5,5 կամ 5,6 դյույմանոց տարբերակները կներկայացվեն արդեն սեպտեմբերին։
Աղբյուրը նշում է, որ Apple-ը մտադիր է 2014 թվականին 80 միլիոն նոր սմարթֆոն-ֆլագման թողարկել։ Ընկերությունում հրաժարվել են մեկնաբանել սույն տեղեկությունը։
