Apple-ն ու Google-ը մի քանի տարի տևած դատական գործերից հետո դիմել են ԱՄՆ-ի դաշնային վերաքննիչ դատարան՝ խնդրելով հետ կանչել մեկը մյուսի դեմ դատարան ներկայացրած արտոնագրի իրավունքների խախտմանը վերաբերող հայցերը։ Այս մասին հաղորդում է Reuters գործակալությունը։
Ինչպես հաղորդել են ընկերության ներկայացուցիչները համատեղ հայտարարության մեջ, ընկերությունները մտադիր են միասին աշխատել արտոնագրային համակարգի բարեփոխման համար։ Մինչև հիմա մեկը մյուսի դեմ ներկայացված հայցերի թիվը հասնում էր մի քանի տասնյակի։
