Apple ընկերության ապրանքանիշը դարձել է աշխարհի ամենաթանկ բրենդը՝ շրջանցելով այդ վարկանշային աղյուսակի մշտական առաջատար Coca-Cola ընկերության ապրանքանիշին։ Այս մասին տվյալներ է հրապարակել Iterbrand-ը։
Սա առաջին դեպքն է վերջին 13 տարիների ըթնացքում, երբ Coca-Cola-ն զիջում է առաջատարի դիրքերը։ Այս անգամ այդ ընկերության բրենդը 3-րդն է։ Երկրորդ տեղը զբաղեցնում է Google-ը, որը նախորդ անգամ զբաղեցնում էր 4-րդ հորիզոնականը։ Լավագույն տասնյակում են, այսպիսով, աշխարհի տեխնոլոգիական հսկաներից 5-ը՝ Apple, Google, Microsoft, Samsung, Intel։
Փորձագետների կարծիքով Apple ապրանքանիշը նախորդ տարվա համեմատ աճել է 28 տոկոսով և այժմ գնահատվում է 98,3 մլրդ դոլար։
