«Ոտքի, Հայաստան» քաղաքացիական նախաձեռնությունը դարձել է «Հայաստանի կառուցողական կուսակցություն», որն էլ պատրաստվում է մասնակցել խորհրդարանական արտահերթ ընտրություններին:
Այսօր կուսակցության առաջին համագումարն էր: «Ոտքի, Հայաստան»-ի համակարգող Անդրիաս Ղուկասյանն ասաց, որ կուսակցության վարչությունը որպես ՀԿԿ-ի ղեկավար առաջադրելու է իր թեկնածությունը:
Նա նաև հայտնեց, որ իրենց կուսակցությունը լինելու է Նիկոլ Փաշինյանի և «Քաղաքացիական պայմանագիր» կուսակցության կողքին:
Անդրիաս Ղուկասյանը ներկայացրեց կուսակցության ծրագրային դրույթները: «Սոցիալական-քաղաքական համակարգը պետք է հենված լինի ժողովրդավարության, մարդու իրավունքների եւ օրենքի գերակայության վրա»,- ասաց Ղուկասյանը:
