Կառավարության նիստից հետո լրագրողները կրթության եւ գիտության նախարարի պաշտոնակատար Արայիկ Հարությունյանին հարցրին գիտնականների դժգոհության մասին:
Նրանք, հիշեցնենք, այսօր կառավարության շենքի առջեւ էին, պահանջում էին վերանայել գիտության նկատմամբ վարվող քաղաքականությունը:
Նախարարի պաշտոնակատարը համաձայնեց՝ այո՛, պետք է վերանայել քաղաքականությունը, սակայն ապօրինի ոչինչ չի արվում: «Կիրակի օրը պետք է հանդիպել երիտասարդ գիտնականների հետ: Փորձում ենք բարեփոխումներն անել անցավ, բայց կտրուկ գործողություններ կլինեն»,- ասաց պարոն Հարությունյանը:
