Լեռնային Ղարաբաղի հակամարտող կողմերին անհրաժեշտ է վերահաստատել լուծմանը խաղաղ հասնելու իրենց հավատարմությունը: Այս մասին հայտարարել է ԱՄՆ պետքարտուղարի Արևելյան Եվրոպայի, Կովկասի և տարածաշրջանային հակամարտությունների հարցերով խորհրդականի օգնական Էրիկ Ռուբինը` ելույթ ունենալով Բրուքինգսի համալսարանում:
Ռուբինը նշել է, որ խաղաղ կարգավորմանը այլընտրանք չկա:
«… Բոլոր այլընտրանքներն այնքան սարսափելի են, որ նույնիսկ դրանց քննարկելու կարիքը չկա», — ասել է Ռուբինը: Նա շեշտել է, որ ԵԱՀԿ Մինսկի խմբի մյուս համանախագահների հետ միասին Միացյալ Նահանգներն աջակցում են կարգավորման գործընթացին: Էրիկ Ռուբինը հատուկ նշել է, որ այս համատեքստում առավել կարևոր է հետագա սրացումները կանխելը:
