Ինչպես հաղորդում են Մայր Աթոռ Սուրբ Էջմիածնի տեղեկատվական համակարգից, այսօր Գարեգին Բ Ամենայն Հայոց Կաթողիկոսն այցելել է «Մուրացան» հոսպիտալ` վիրավոր զինվորների հետ հանդիպելու համար: Գարեգին Բ կաթողիկոսը զինվորներին խաչեր եւ աղոթագրքեր է նվիրել, ինչպես նաեւ հանդիպել է հոսպիտալի բուժանձնակազմի հետ եւ իր քաջալերանքը հայտնել այս լարված օրերին ցուցաբերած անխոնջ ծառայության համար: Գարեգին Երկրորդին ուղեկցում էին ՀՀ առողջապահության նախարար Արմեն Մուրադյանը եւ բարձրաստիճան եկեղեցականներ:
