Փորձագետները հարցում են անցկացրել աշխարհի 20 երկրների 3 հազար վարորդների շրջանում` պարզելու, թե որտեղ են ապրում ամենաանհանդուրժող վարորդները:
Ամենաանզուսպն ու ագրեսիվ պահվածք դրսևորողները բրիտանացի վարորդներն են: Բրիտանացի յուրաքանչյուր վարորդ կայնքում գեթ մեկ անգամ դարձել է մեկ այլ վարորդի կողմից ոչ համարժեք գործողության զոհ, կամ հենց ինքն է նման պահվածք դրսևորել: Ըստ գիտնականների` ագրեսիայի ամենավառ դրսևորումներից են ձեռնաշարժումներն ու հայհոյանքը: Շատ են նաև դեպքերը, երբ մեկ այլ վարորդի դիմաց կտրում և ճանապարհ են փակում:
Որոշ ցուցանիշներով բրիտանացիներն ավելի ագրեսիվ են եղել, քան իտալացիները, որոնց համարում են ամենատաքարյունները Եվրոպայում:
Ագրեսիվության մակարդակով բրիտանացիներին մոտ են չեխերը, ֆրանսիացիներն ու գերմանացիները: Ագրեսիայի ամենացածր աստիճանն արձանագրվել է Թուրքիայում: Չնայած այստեղի ճանաարհներին կարգուկանոնի բացակայությանը, վարորդներն իրար հազվադեպ են վիրավորում:
