Երեւանի ավագանու երեկ կայացած նիստում «Ելք» դաշինքը դժգոհել է քաղաքաշինության և հողօգտագործման հարցերի մշտական հանձնաժողովի աշխատանքից: Հանձնաժողովի նախագահը Հովհաննես Թոքմաջյանն է՝ Ճարտարագիտական համալսարանի նախկին ռեկտորը: Բանն այն է, որ քաղաքաշինության և հողօգտագործման հարցերի մշտական հանձնաժողովում Հովհաննես Թոքմաջյանը օրակարգի հարցերը ըստ կանոնակարգի չի քննարկում եւ դակիչ հանձնաժողովի դեր է կատարում: Ավագանու «Ելք» դաշինքը 3-4 ելույթ ունեցավ եւ դժգոհեց հանձնաժողովի նախագահի այս մոտեցումից: Ի պատասխան Թոքմաջյանը գեղարվեստական գրականությունից մեջբերումեր արեց, մասնավորապես, նա ցիտում էր Բուլգակովի «Շան սիրտը» վիպակի հերոս Շվոնդերի խոսքը եւ Մարկ Զախարովի ֆիլմից Մյունհաուզենի բառերը:
Նիստի վերջում ավագանու «Ելք» դաշինքի անդամ Ալեն Սիմոնյանը դիտողություն արեց Հովհաննես Թոքմաջյանին. «Պարոն Թոքմաջյան, այսպիսի գործելաոճն անընդունելի է: Դուք ձեր գործելաոճով, արդարացումներով նմանվում եք Ֆեոդոր Ռեշետնիկովի Опять двойка կտավին»:
Սոնա Դավթյան
