Առողջապահության համաշխարհային կազմակերպությունը կոչ է արել պետություններին հարկ սահմանել քաղցր ըմպելիքների համար՝ արժեքի առնվազն 20%-ի չափով: Այս մասին ասված է ԱՀԿ-ի զեկույցում:
Ըստ զեկույցի՝ նման քայլը կնպաստի բնակչության շրջանում ճարպակալման, շաքարախտի և կարիեսի զարգացման դեպքերի նվազեցմանը:
ԱՀԿ տվյալներով՝ մեծահասակ մարդը կարող է օրական օգտագործել մոտ 12 գդալ շաքարավազ, ոչ ավելի, իսկ մեկ բաժակ քաղցր ըմպելիքը պարունակում է մինչև 19 գդալ շաքարավազ:
