ԱԺ արտաքին հարաբերությունների մշտական հանձնաժողովի նիստն այսօր սկսվեց հանձնաժողովի նախագահ Արմեն Աշոտյանի հայտարարությամբ։ Նա ասաց, որ օրակարգից 3 հարց հանվելու է, որոնք վերաբերում են Տրանսպորտի, կապի և ՏՏ նախարարությանը։
Արմեն Աշոտյանի տեղեկություններով՝ նախարարության շենքում ըստ ահազանգի՝ ռումբ է տեղադրված, հայտարարված է արտակարգ դրություն, ամբողջ անձնակազմը տարհանված է, և այդ պատճառով նախարարությունից որևէ մեկը ներկա չէ նիստին։
