Աֆղանստանի մայրաքաղաք Քաբուլում զինված գրոհայինները ներխուժել են Intercontinenal հյուրանոց. ահաբեկչական հարձակման հետևանքով զոհվել է 18 մարդ, այդ թվում՝ Ուկրաինայի 6 քաղաքացի: Այս մասին հաղորդում է Interfax.ru-ն:
Հաղորդվում է, որ զոհերի թվում են մեկական քաղաքացիներ Գերմանիայից, Հունաստանից և Ղազախստանից: Նշվում է, որ իրավիճակը չի հաջողվել վերահսկողության տակ առնել 18 ժամ, այդ ժամանակահատվածում լսվել են կրակոցներ և պայթյուններ:
Աֆղանական ավիափոխադրող Kam Air ավիաընկերությունից հաղորդել են, որ սպանվել է նաև ընկերության մի քանի աշխատակից, մի քանիսի ճակատագիրն էլ առայժմ անհայտ է:
Հարձակման պատասխանատվությունը ստանձնել է «Թալիբան» շարժումը:
