Աֆղանստանում ամերիկյան օդանավ է կործանվել

Ամերիկյան Lockheed C-130 Hercules ռազմական ուղևորատար օդանավի կործանման հետևանքով 10 մարդ է զոհվել, հաղորդում է Reuters գործակալությունը:

Զոհերից հինգը զինվորական են, իսկ մյուս հինգը` քաղաքացիականներ, ովքեր պայմանագրային հիմունքներով աշխատում էին ԱՄՆ-ի ղեկավարած միջազգային կոալիցիայում:

Պենտագոնից հաղորդում են, որ միջադեպն ուսումնասիրվում է, և որ   օդանավի` թշնամու կողմից խոցված լինելու մասին տեղեկություններ չկան: