Ադրբեջանի իշխանությունները որոշում են կայացրել դոկտորական աստիճանից զրկել քաղբանտարկյալ Լեյլա Յունուսին։ Նման հայտարարություն է արել Ադրբեջանի գիտությունների ազգային ակադեմիայի նախագահի տեղակալ Ջաբի Բահրամովը՝ Յունուսի դոկտորականը որակելով որպես «գրագողություն»։
«Ինձ հայտնի է, որ նա անամոթաբար արտագրել է երկու ռուս գիտնականի աշխատանքները՝ այդ գաղափարները ներկայացնելով որպես սեփականը։ Այդպիսով, փիլիսոփայության դոկտորի աստիճանը նրան անօրինական է շնորհվել։ Մենք պահանջելու ենք նրա գիտական աստիճանը չեղյալ հայտարարել», — ասել է Բահրամովը։
Հիշեցնենք, որ Յունուսը գտնվում է բանտում և հետապնդվում քաղաքական հայացքների համար։
