Ադրբեջանում Բաքու-Թբիլիս ուղևորատար ավտոբուսի վթարի հետևանքով զոհերի թիվը հասել է երեքի, տասնյակ մարդիկ վիրավորվել են

Ադրբեջանում մարդատար ավտոբուսի և բեռնատարի բախման հետևանքով զոհվել է առնվազն 3 մարդ, 40-ը ստացել են մարմնական վնասվածքներ։ Այս մասին հաղորդում է RIA-Novosti գործակալությունը՝ հղում կատարելով Ադրբեջանի արտակարգ իրավիճակների նախարարությանը։

Բաքու- Թբիլիսի ավտոբուսը գիշերը բախվել է ԿԱՄԱԶ մակնիշի բեռանատարի հետ, ինչի հետևանքով ավտոբուսում հրդեհ է բռնկվել։ Բոլոր տուժածները տեղափոխվել են Գյանջայի հիվանդանոց։ Նրանցից երեքի վիճակը գնահատվում է ծանր։ Զոհված երեք ուղևորները Վրաստանի քաղաքացի են, նրանցից երկուսը երեխաներ են։