kommersant.ru-ն պարզել է, որ Ադրբեջանի զինված ուժերին առափնյա հրթիռային համալիրների մատակարարումը՝ «Բալ-Է»-ն, ձախողվել է ՌԴ պաշտպանության նախարարության դիրքորոշման պատճառով:
Թեև կողմերն արդեն վավերացրել էին պայմանագիրը, որով նախատեսվում էր առափնյա հրթիռային համալիրների ոչ մեծ խմբաքանակի և մի քանի տասնյակ 3Մ24 հրթիռներ մատակարարում, սակայն գործն այդպես էլ չհասավ բուն համաձայնագիր ստորագրելուն:
Բանն այն է, որ ռուսաստանցի զինվորականները հաշվարկել են, որ այդ համալիրի հրթիռի արտահանման ձևափոխումը կարող է սպառնալիք հանդիսանալ ՌԴ Կասպիական նավատորմիղի նավերին, որոնք գտնվում են հենց ռուսաստանյան տարածքային ջրերում: «Նման փաստարկների դեմ վիճելն անօգուտ էր, ուստի արդեն վավերացված համաձայնագիրը սեղաններից հեռացվեց, մեր դիրքորոշմանն ականջալուր եղան»,- հաստատել է ռազմական պաշտոնյաներից մեկը:
Թեև, նկատենք, որ արտադրանքի մեկ տեսակի մատակարարումից հրաժարումը ճակատագրական չպետք է լինի: «Բալ»-ի մատակակարումից հրաժարվելը չպետք է հանգեցնի Մոսկվաի և Բաքվի հարաբերությունների սառեցմանը: Դեռևս սեպտեմբերին Ադրբեջանի նախագահ Իլհամ Ալիևը ուղիղ հայտարարել էր, որ «ռազմատեխնիկական մատակարարման ոլորտում համագործակցությունը մեծ ավանդույթներ ունի», «Ռուսաստանի և Ադրբեջանի միջև իրացված պայմանագրերը գերազանցում են 5 մլրդ դոլարը» և «աճի միտում ունեն»:
