Վրաստանի Հանրապետության Քվեմո Քարթլի երկրամասի Մառնեուլի քաղաքապետարանի դպրոցներից մեկի ուսուցչուհի Նանա Բակուրաձեն հեռացվել է աշխատանքից՝ ադրբեջանական էթնոսի գոյությունը կասկածի տակ դնելու համար. ուսուցչուհին ասել է, որ ադրբեջանցիները պատկանում են պարսկական էթնոսին: Այս մասին հաղորդում է APA գործակալությունը:
Ուսուցչուհու խոսքը բողոքի ալիքի պատճառ է դարձել ադրբեջանցի աշակերտների շրջանում, ովքեր Բակուրաձեի խոսքը տեսագրել և տեղադրել են սոցկայքերում:
Տեսանյութը մի քանի օրվա ընթացքում դարձել է Վրաստանում ադրբեջանական համայնքի ամենաքննարկվող թեմաներից մեկը: Համայնքի ներկայացուցիչները գրավոր բողոք են ներկայացրել ուսուցչուհու դեմ, ինչի հետևանքով Նանա Բակուրաձեին հեռացրել են աշխատանքից:
https://youtu.be/BCuTBMvvSfg
