Ավստրալացի բժիշկ-գիտնականները հայտարարել են լեյկիմեայի դեմ դեղամիջոցի փորձարկման հաջողության մասին։
Ինչպես հայտնել է երեկ Մելբուրնի ուռուցքաբանական կենտրոնի ղեկավարներից մեկը, ABT-199 դեղամիջոցով հետազոտության են ենթարկվել լեյկոզով տառապող 67 հիվանդ։ «Գործնականորեն բոլոր հիվանդները անբուժելի հիվանդ էին, նրանց մնացել էր ապրելու 18 ամիս։ Սակայն, համարյա 1 տարի այս դեղամիջոցով բուժում ստանալուց հետո հիվանդների 23%- կարողացան հաղթահարել արյան քաղցկեղը, իսկ 61%-ի մոտ նկատվում է զգալի բարելավում»,- ընդգծել է նա։
«Այս մեկ դեղի օգնությամբ արյան քաղցկեղը լիովին հաղթահարվել է հիվանդների համարյա մեկ քառորդի մոտ։ Իրականում դա անհավանական է»,- ասել է ավստրալացի գիտնականը ABC հեռուստաալիքին տված հարցազրույցում։
