Այսօր մեկնարկել է Աբովյանի քաղաքապետի արտահերթ ընտրություններում թեկնածուների առաջադրումների փուլը:
Կենտրոնական ընտրական հանձնաժողովու տեղադրվել են այսօրվա ընթացքում առաջադրված թեկնածուների անունները:
Նրանք են.
1. Գեւորգյան Վահագն Ժիրայրի
2. Իսրայելյան Կարապետ Սարբիի
3. Հակոբյան Սամվել Ծերունի
4. Հարությունյան Արթուր Գեղամի
Բոլոր թեկնածուներն առաջադրվել են ինքնաառաջադրման սկզբունքով:
Բոլորի անվան դիմաց նշված է անկուսակցական:
Վահագն Գեւորգյանը ՀՀ ԱԺ տարածքային կառավարման մշտական հանձնաժողովի փորձագետ է: Նախկինում տեղեկացրել ենք, որ եւ ՀՀԿ-ն եւ ԲՀԿ-ն սատարելու են նրա թեկնածությունը:
Առաջադրվածներից Արթուր Հարությունյանը, ով հայտնի է Պալաչ մականունով, «Չարենցավանի բեռնաուղեւորատար ավտոտրանսպորտ» ԲԲԸ-ի գլխավոր տնօրենն է:
Այսօր ՀՀԿ Կոտայքի մարզային կառույցը որոշում է կայացրել նրան հեռացնել կուսակցությունից: Այդ որոշումը թերեւս պայմանավորված է այն հանգամանքով, որ Պալաչը չի ենթարկվել կուսակցության որոշմանը եւ ինքնաառաջադրվել է:
Աբովյանում թեկնածուների առաջադրումները կշարունակվեն մինչեւ մայիսի 17-ը ժամը 18:00-ն: Մայիսի 17-ից 19-ը տեղի կունենա նրանց գրանցումը: Ընտրություններն այնտեղ կանցկացվեն հունիսի 7-ին:
Աբովյանում քաղաքապետի արտահերթ ընտրություններ նշանակվեցին այն բանից հետո, երբ նախկին քաղաքապետ Կարապետ Գուլոյանը՝ ԲՀԿ նախկին առաջնորդ Գագիկ Ծառուկյանի փեսան, նշանակվեց Կոտայքի մարզպետ:
