Առնվազն 18 մարդ է մահացել այս գիշեր Հնդկաստանում՝ հայտնի հոգևոր առաջնորդի թաղման արարողության ժամանակ։ Այս մասին հաղորդում է France Presse գործակալությունը։
Ողբերգությունը տեղի է ունեցել երկրի ֆինանսական կենտրոն մումբայից մի քանի կիլոմետր հեռավորության վրա՝ տեղի շիա հոգևոր առաջնորդ Մոհամեդ Բորհաուդդինի տան մոտ։ Հավաքված բազմահազարանոց բազմության հրմշտոցի արդյունքում եւս 40 հոգի ստացել են վնասվածքներ։
Տեղի հոգևոր կենտրոնը ղեկավարող Բուրհանուդդինը 1965 թվականից համարվում էր շիաների հոգևոր առաջնորդ։ Նա 98 տարեկան էր։
