ԱՄՆ Պենսիլվանիա նահանգում մերկասառույցի պատճառով 50-ից ավելի մեքենաներ են բախվել։ Կա մեկ զոհ, տասնյակ տուժածներ։
Ինչպես հաղորդում են տեղական աղբյուրները, մեքենաները սառցակալած մայրուղու վրա սկսել են հերթականությամբ իրար հարվածել։ Պենսիլվանիայում 0-ական ջերմաստիճանում տեղացած առաջ ձյունը նպաստել է ճանապարհների անանցանելիությանը։
Ավտովթարի վայր են ժամանել մեծաքանակ հրշեջներ եւ բժիշկներ։ Սպասվում է, որ ճանապարհային երթեւեկությունը մի քանի ժամով կդադարեցվի։ Այժմ կատարվում են աշխատանքներ վթարների հետեւանքների վերացման ուղղությամբ
Նմանատիպ վթար կատարվել է նաեւ Վիսկոնսին նահանգում, որտեղ իրար են բախվել շուրջ 30 ավտոմեքենա։ Տուժածների մասին առաժմ տեղեկություն չկա։
Ներկա պահին սառը հոսանքը տեղափոխվել է դեպի ԱՄՆ արեւելյան ափեր։ Ճանապարհներին սառույցի շերտի հաստությունը հասնում է 8 սմ հաստության։
Սպասվում է, որ այսօր տարերային աղետը հասնելու է Նյու Յորք։ Իշխանությունները խնդրում են մարդկանց պահպանել զգուշություն եւ սեփական տրանսպորտի միջոցով փողոց դուրս գալ միայն խիստ անհրաժեշտության դեպքում։
