Մայիսի 26-ից 27-ը Հայաստանի Հանրապետության ոստիկանության տարբեր ստորաբաժանումների կողմից բացահայտվել է հանցագործության 58 դեպք, որից 4-ը՝ նախկինում կատարված։
Ինչպես փաստում է ոստիկանության օպերատիվ հաղորդագրությունների ամփոփագրերի ամբողջական տեղեկությունը, մասնավորապես՝ մարմնական վնասվածք հասցնելու` 12, թմրամիջոցի հայտնաբերման՝ 7, խարդախության, յուրացման կամ վատնման եւ ապօրինի ծառահատման՝ 5-ական, անձնական ունեցվածքի գողության՝ 4, պաշտոնեական լիազորությունների չարաշահման՝ 3, բռնաբարության կամ բռնաբարության փորձի, կողոպուտի, պետական-հասարակական ունեցվածքի գողության, բնակարանային գողության, մաքսանենգության, բժիշկների կողմից մասնագիտական պարտականությունները ոչ պատշաճ կատարելու, ընտանեկան բռնության, սպանության սպառնալիքի, աշխատանքի պաշտպանության կանոնները խախտելու, ապօրինի կերպով զենք, ռազմամթերք, պայթուցիկ սարքեր ձեռք բերելու, իրացնելու, պահելու կամ կրելու, մշակումն արգելված թմրանյութեր պարունակող բույսեր ապօրինի աճեցնելու, ֆիզիկական ուժեղ ցավ եւ հոգեկան ուժեղ տառապանք պատճառելու ու ապօրինի որսի՝ 1-ական դեպք։
Հայտնաբերվել է 2 հետախուզվող։
Գրանցվել է զենք-զինամթերքի կամավոր հանձնման 3 դեպք։
Նախկինում կատարված հանցագործություններից բացահայտվել է սպանության, անձնական ունեցվածքի գողության, շորթման եւ մարմնական վնասվածք հասցնելու 1-ական դեպք։
1 օրվա ընթացքում հանրապետությունում արձանագրվել է ճանապարհատրանսպորտային 7 պատահար, ինչի հետեւանքով 2 մարդ զոհվել է, 6-ը՝ ստացել տարբեր աստիճանի մարմնական վնասվածքներ:
