Մեծ Բրիտանիայի մայրաքաղաք Լոնդոնից 130 կմ հեռավրության վրա գտնվող Սթոունհենջ հուշարձանների մոտ կիրակի առավոտյան մոտ 5000 մարդ է հավաքվել` նշելու ձմեռային արևադարձը: Այս մասին հաղորդում է Daily Mail պարբերականը:
Սթոունհենջ հուշարձանների մոտ հավաքված մարդիկ երգել են, պարել ու խմել:
Ձմեռային արևադարձի նշանակությունը գիշերվա տևողության երկարելու և ցերեկվա տևողության կարճանալու երևույթի շրջադարձն է (գիշերը սկսում է կարճանալ, ցերեկը՝ երկարել)։
Սովորաբար ձմեռային արևադարձը տեղի է ունենում դեկտեմբերի 21-ին, սակայն աստղաբաշխորեն ամենակարճ ճշգրիտ օրը կարող է մի քանի օրվա տարբերությամբ լինել:
