Թուրքիայի ներքին գործերի նախարարությունը հայտարարել է «Քուրդիստանի բանվորական կուսակցության» (PKK-ՔԲԿ) 31 զինյալի սպանության մասին:
Ըստ «BBC»-թուրքական ծառայության՝ քուրդ զինյալները սպանվել են այսօր Թուրքիայի Հաքքարի, Թունջելի և Շըրնաք, նահանգներում անվտանգության ուժերի հետ բախումների հետևանքով:
Նշվում է, որ 19 քուրդ զինյալ սպանվել է Շեմդինլիում (Հաքքարի), 9-ը՝ Թունջելիում (Դերսիմ), 3-ը Շըրնաքում:
Ավելի վաղ Թուրքիայի ՆԳՆ-ի տարածած հայտարարության մեջ նշվել էր, որ ՔԲԿ-ական 19 զինյալ էլ սպանվել էր հոկտեմբերի 23-ից 30-ը ընկած ժամանակահատվածում թուրք ուժայինների իրականացված գործողությունների ժամանակ տեղի ունեցած բախումների հետևանքով:
Հիշեցնենք, որ այսօր՝ նոյեմբերի 2-ին Թուրքիայի զինված ուժերի գլխավոր շտաբը հայտարարել էր, որ «Քուրդիստանի բանվորական» կուսակցության (ՔԲԿ-PKK) գրոհայինների հետ բախումների ժամանակ սպանվել է 6 թուրք զինվոր և 2 անվտանգության աշխատակից: