Անցած գիշեր շուրջ 1500 մարդ Է տարահանվել Ֆրանսիայի Օլերոն կղզում (Ծովամերձ Շարանտայի դեպարտամենտ) գտնվող քեմպինգում բռնկած հրդեհի պատճառով: Ինչպես տեղեկացնում Է «Արմենպրես»-ը, օգոստոսի 19-ին այս մասին հայտնել Է դեպարտամենտի հրշեջ ծառայությունը:
Հրդեհն սկսվել Է ժամը մոտավորապես 03:00-ին (Երեւանի ժամանակով 05:00ին) անվավոր տներից մեկում եւ սպառնացել Է արագորեն տարածվել ոչ միայն մոտակա կացարաններ, այլեւ շրջակա սոճու անտառ: Պատահարի վայր ժամանած վեց տասնյակ հրշեջներին շուրջ մեկ ժամ Է պահանջվել կրակը սանձելու համար:
Միջադեպի հետեւանքով ծխից տուժել Է երեք մարդ՝ 5ամյա երեխայով ընտանիքը: Նրանց տեղափոխել են Ռոշֆոր քաղաքի հիվանդանոց: 1500 մարդ գիշերն անցկացրել են քեմպինգից դուրս, մերձակա քաղաքի հրապարակում:
Ընդհանուր առմամբ կրակը քեմպինգում ոչնչացրել Է հինգ փայտե ստացիոնար եւ անվավոր շարժական տներ, ըստ որում եւս չորս տուն վասվածքներ Է ստացել: Այրվել Է երեք ավտոմեքենա, հաղորդել Է ՏԱՍՍ-ը:
