ՏՏ ոլորտի զարգացման նպատակով ՀՀ բարձր տեխնոլոգիաների նախարարությունը մտադիր է 2020 թվականին 1 միլիարդ դրամ հատկացնել այդ ոլորտում նորարարությունները ֆինանսավորելու համար։ Այս մասին այսօր Ազգային ժողովում հայտնեց նախարար Հակոբ Արշակյանը։
«2020 թվականին նախատեսել է թվով շուրջ 90 դրամաշնորհներով աջակցել տեխնոլոգիական ոլորտի նորարարական խմբերին և ստարտափներին՝ իրենց գաղափարները պրոդուկտների նախատիպի, այնուհետև նաև բիզնեսի վերածելու նպատակով»,- բյուջեի քննարկման ժամանակ նշեց Արշակյանը։
Այդ ծրագրերի շարունակական լինելու համար նախարարությունը նաև ներդրումային ծրագրերին է աջակցելու՝ դեպի մարզեր ուղղելով այդ ֆինանսավորումը, որ կլինի ևս մոտ 1 միլիարդ դրամ։
