Կառավարության վաղվա նիստում հավանություն կտրվի «Հայաստանի Հանրապետության կառավարության և Եվրոպական հանձնաժողովի միջև «Աջակցություն միջուկային ոլորտը կարգավորող հայաստանյան մարմնին» ծրագրի ֆինանսավորման համաձայնագրի կնքման առաջարկությանը: Դրանով ԵՄ–ն պարտավորվում է տրամադրել առավելագույնը 1 մլն եվրո գումարի չափով ֆինանսավորում՝ Միջուկային ոլորտը կարգավորող հայաստանյան մարմնի ինստիտուցիոնալ զարգացման համար:
Ֆինանսավորման համաձայնագիրն ուժի մեջ է մտնում այն ամսաթվից, երբ վերջինն կողմը ստորագրում է այն, նախքան 2013թ. դեկտեմբերի 31-ը: Եթե վերջին ստորագրումը կատարվում է այդ ամսաթվից հետո, ապա Ֆինանսավորման համաձայնագիրն ուժի մեջ չի մտնում և առոչինչ է:
