Դանիայի ղեկավարությունը որոշում է կայացրել վեց ռազմական ինքաթիռ ուղարկել Բալթյան երկրներ Ուկրաինայի դեպքերից հետո օդային տարածքը վերահսկելու համար: Այս մասին հաղորդում է դանիական ռադիոն: Այս քայլով Դանիան իր համերաշխությունն է հայտնել Բալթյան երկրների հետ «արտաքին վտանգների դեմ պայքարելու» հարցում:
F-16s կործանիչնրը կմիանան այստեղ գտնվող ՆԱՏՕ-ի զորքերին: Նախատեսվում է, որ դանիացիներն այս տարածաշրջանում կմնան մինչև այս տարվա մայիսի 1-ը: Դանիայի արտաքին գործերի նախարարությունը հրաժարվել է հաստատել այս տեղեկությունը մինչև այսօր խորհրդարանի կայանալիք նիստը:
Ավելի վաղ Բալթյան երկրներ և Լեհաստան ռազմական օդանավեր ուղարկելու մասին հայտարարել էր Ֆրանսիան:
