Ֆրանսիայի հարավում և Իտալիայի հյուսիս-արևմտյան շրջաններում արդեն մի քանի օր շարունակվող հորդառատ անձրևները հեղեղների և սողանքների պատճառ են դարձել:
Ինչպես գրումէ shantnews.am-ը՝ հղում անելով ռուսական Korrespondent պարբերականին, Ֆրանսիայում եղանակային պայմանների հետևանքով 3 մարդ է մահացել, 1 հոգի անհետ կորած է:
Գետերը դուրս են եկել ափերից, ճանապարհները ջրածածկ են:
Euronews-ի հաղորդմամբ՝ Իտալիայի Լիգուրիա շրջանում սողանքի հետևանքով ավտոմոբիլային կամուրջ է փլուզվել:
Հազարավոր մարդիկ զրկվել են արտաքին աշխարհի հետ կապից, հարյուրավոր մարդիկ տարհանվել են:
Վենետիկում ջրի մակարդակը կրկին գերազանցել է նորման՝ այս անգամ 130 սմ-ով: Օրեր առաջ ջրհեղեղի պատճառով Վենետիկում ջրի մակարդակը նորմայից բարձրացել էր 187սմ-ով:
