Ֆրանսիայում ձերբակալվել է Վրաստանի նախկին պաշտպանության նախարար Դավիդ Քեզերաշվիլին: Այս մասին հայտարարել է Վրաստանի ներքին գործերի նախարարությունը:
«Ես հաստատում են նրա ձերբակալության փաստը»,- ասել է ՆԳՆ մամուլի ծառայության ղեկավար Նինո Գիորգոբիանին` հավելելով, որ ավելի ուշ կհրապարակվեն մանրամասները:
Հայրենիքում նախկին նախարարը մեղադրվում է երկու քրեական գործերով, այդ թվում` էթիլային սպիրտի անօրինական ներկրկման համար: Այժմ Ֆրանսիայում քննարկվում է նրա արտահանձման հարցը:
