Ֆրանսիայում կործանվել է հոնգկոնգցի միլիարդատիրոջը տեղափոխող ուղղաթիռը

Ֆրանսիայում վթարի է ենթարկվել հոնգկոնգցի միլիարդատեր Լամ Քոքին տեղափոխող ուղղաթիռը։ Ուղղաթիռում եղել է ևս երեք մարդ։ Այս մասին հաղորդում է France Presse գործակալությունը։

Ուղղաթիռն ընկել է Ֆրանսիայի Բորդոյի շրջանում։ Լամ Քոքի հետ է եղել նաև նրա 12-ամյա որդին։ Տագնապը հայտարարվել է այն բանից հետո, երբ ուղղաթիռը ժամանակին վայրէջք չի կատարել բազայում։ Հոնգկոնգցի միլիարդատերը պատրաստվում էր մեծ ներդրումներ կատարել Բորդոյում, և ուղղաթիռից զննում էր խաղողի այգիները, որոնք պատրաստվում էր գնել։