Ֆլորիդայում ուղևորն ընկել է ինքնաթիռից (տեսանյութ)

Associated Press գործակալությունը տեղեկացնում է, որ Ֆլորիդա նահանգում ուղևորը Piper PA-46 ինքնաթիռից ընկել է Ատլանտյան օվկիանոս։

Միջադեպը տեղի է ունեցել մոտ 600 մետր բարձրության վրա։ Օդաչուն դիսպետչերներին տեղեկացրել է այս միջադեպի մասին, որից հետո ինքնաթիռը վայրէջք է կատարել Մայամիում։ Առայժմ հայտնի չէ, թե ով է ուղևորը, և ինչու է օդանավի դուռը բաց եղել։

Այժմ փրկարարներն իրականացնում են որոնողական աշխատանքներ, իսկ ոստիկանությունը սկսել է քննել տեղի ունեցածը։