Ֆիլիպինների նախագահ Բենինյո Ակինոն CNN-ին տված հարցազրույցում ասել է, որ մամուլում շրջանառվող այն տեղեկությունները, թե Ֆիլիպիններում «Հայյան» փոթորկի հետևանքով զոհվել է 10 հազար մարդ, իրականությանը չեն համապատասխանում։
Ըստ նախագահի, զոհվածների առավելագույն թիվը կկազմի 2500 մարդ։ Նրա տեղեկություններով՝ առայժմ հաստատվել է մոտ 1800 մարդու մահվան փաստը, ևս 700-ը համարվում են անհետ կորած։ Նա ՄԱԿ-ի ներկայացուցչի տարածած տեղեկությունները հույզերի արդյունք է համարել։
Հիշեցնենք, որ անցած շաբաթվա վերջին Ֆիլիպիններում արձանագրված երբևէ դիտարկված ամենահզոր փոթորիկը ավերել է երկրի զգալի մասը, միլիոնավոր մարդիկ տուժել են։
