«Ֆեյսբուքն անվճար օգնում է Առողջապահության համաշխարհային կազմակերպությանը կորոնավիրոսի մասին տեղադրել գովազդներ և հեռացնում է վարակի մասին կեղծ տեղեկատվությունը»:
Այս մասին «Ֆեյսբուքի» իր էջում գրել է ընկերության ղեկավար Մարկ Ցուկերբերգը: 
Ինչպես փոխանցում է Риа Новости ռուսական գործակալությունը Ցուկերբերգը նշել է, որ օգտատերը սոցիալական ցանցում որոնում է կորոնավիրուսի վերաբերյալ որևէ տեղեկատվություն, ապա նա կստանա այնպիսի ծանուցում, որի միջոցով ԱՀԿ-ի կամ տարածքային առողջապահական մարմնի կայքի հասցեն կփոխանցվի: Այդպես նա կարող է ստանել վերջին տեղեկատվությունը վարակի մասին:
«Մենք աշխատում ենք երկրների առողջապահության նախարարությունների և այնպիսի կազմակերպությունների հետ, ինչպիսինն են ԱՀԿ-ն, ՅՈՒՆԻՍԵՖ-ը, Հիվանդությունների վերահսկման և կանխարգելման կենտրոնը, որպեսզի օգտատերերը ստանան ժամանակին և ճշգրիտ տեղեկատվություն կորոնավիրուսի մասին: Մենք ԱՀԿ-ին տրամադրում ենք այնքան անվճար գովազդների տեղադրում, ինչքան նրանց անհրաժեշտ է, նաև այլ աջակցություն ենք ցուցաբերում…»,- ասել է նա:
Ցուկերբերգը նաև ասել է, որ սոցիալական ցանցը հեռացնում է կեղծիքները և վնասակար ապատեղեկատվությունը:
