Դատարանը բավարարել է Օպերային թատրոնի գեղարվեստական ղեկավար Կոնստանտին Օրբելյանի հայցը։ Այն է՝ անվավեր ճանաչել մշակույթի նախկին նախարար Նազենի Ղարիբյանի 2019 թ. մարտի 28-ի ազատման հրամանը, վերականգնել իրեն թատրոնի տնօրենի աշխատանքում եւ վճարել հարկադիր պարապուրդի դիմաց։ Այս մասին գրում է hraparak.am-ը:
Հիշեցնենք, որ մայիս ամսին Կոնստանտին Օրբելյանը դատական հայց ներկայացրեց մշակույթի նախկին նախարարի պարտականությունները կատարող Նազենի Ղարիբյանի դեմ։ Ն․ Ղարիբյանն Օրբելյանին ազատել էր տնօրենի պաշտոնից՝ մի քանի հանգամանքներից ելնելով, այդ թվում՝ Օրբելյանի`հայերենի չիմացությունից:
