Այսօր ԱԺ-ում հեռուստատեսության և ռադիոյի ոլորտում տարեկան հաշվետվության քննարկման ժամանակ ելույթով հանդես եկավ նաև «Իմ քայլը» խմբակցության պատգամավոր Սոֆյա Հովսեփյանը:
Նա դիմելով Բարձր տեխնոլոգիական արդյունաբերության նախարար Հակոբ Արշակյանին՝ նկատեց, որ մարզային շրջաններում, սահմանմերձ համայնքներում կան խնդիրներ:
Սոֆյա Հովսեփյանն ասաց, որ հեռուստատեսության և ռադիոյի առնչությամբ բարելավումները պետք է կարողանալ հասցնել նաև սահմանամերձ տարածքներ. օտարալեզու ռադիոներն ու հեռուստաալիքներն են դարձել սահմանամերձ բնակիչների զբաղմունքը, քանի որ տեղական ալիքների ցուցադրությունը խնդիր է :
Պատգամավորը օրինակ բերեց Շիրակի մարզը և առաջարկեց Հակոբ Արշակյանին զբաղվել այս հարցով և հնարավորինս արագ լուծել խնդիրը:
Հայկ Մագոյան
