Փարիզի բարձր ատյանի դատարանը Closer ամսագրին պարտադրել է 15 հազար եվրո վճարել ֆրանսիացի դերասանուհի Ժյուլի Գայեին՝ վերջինիս լուսանկարները հրապարակելու համար, որով հաստատվել է նրա գաղտնի սիրավեպը նախագահ Ֆրանսուա Օլանդի հետ։ Այս մասին հաղորդում է Agence France-Presse-ը։
Բացի այդ, որոշում է կայացվել, որ դատարանի կողմից կայացված վճռի վերաբերյալ տեղեկությունը պետք է հայտնվի ամսագրի շապիկին։
Հիշեցնենք, որ 2014 թվականի հունվարին Closer ամսագիրը սենսացիոն նյութ էր հրապարակել Օլանդի և Գայեի սիրավեպի մասին։
