«Հինգշաբթի երեկոյան Ֆրանսուա Օլանդը հաստատապես սոված չի մնա: Նա երկու անգամ է ընթրելու՝ նախ ԱՄՆ նախագահ Բարաք Օբամայի, ապա ՌԴ ղեկավար Վլադիմիր Պուտինի հետ», — գրում է The Telegraph պարբերականը:
«Դա մարտահրավեր կլինի մարսողության և տրամաբանության տեսակետից, բայց և միաժամանակ ֆրանսիացի նախագահի համար ամենաանվտանգ դիվանագիտական որոշումը կլինի, որով նա թույլ չի տա, որ իրար հետ խնդիրներ ունեցող երկու ղեկավարների ուղիները խաչվեն», — նշվում է թերթի հրապարակած հոդվածում:
Հիշեցնենք, որ այս շաբաթ Նորմանդիայում դաշնակից զորքերի ափհանման 70-ամյակի կապակցությամբ Օլանդն ընդունելու է շուրջ 18 երկրների ղեկավարների: Նրանց թվում են լինելու նաև Պուտինն ու Օբաման, բայց լարված հարաբերությունների պատճառով վերջիններս չեն պատրաստվում
հանդիպել:
