Ֆրանսիայի վարչապետ Ֆրանսուա Օլանդը կարող է դատի տալ «Closer» ամսագրին, որն ավելի վաղ հայտնել էր 41-ամյա դերասանուհի Ժյուլի Գայեյի հետ Օլանդի սիրավեպի մասին: Այս մասին հայտնում է Gazeta.ru-ն՝ հղում անելով The Telegraph-ին:
Նախագահը հայտնել է, որ լրագրողները խախտել են իր՝ անձնական կյանքի անձեռնմխելիության իրավունքը:
«Նախագահը խորապես ցավում է ցանկացած քաղաքացու իրավունքի՝ անձնական կյանքի անձեռնմխելիության իրավունքի խախտման համար և դատական բնույթի հնարավորությունները կուսումնասիրի այդ հրապարակմանն արձագանքելու համար»:
Հաղորդվում է նաև, որ ֆրանսիական պարբերականը կհրապարակի նաև լուսանկար, որով ապացուցվում է Օլանդի և դերասանուհու կապի մասին տեղեկությունների իսկությունը:
